Sleutelwoorde

, ,

Boekemakranka se Top 100 Afrikaanse Leeslys vir 2009

Boekemakranka het verlede jaar hierdie Leeslys saamgestel, nadat mense hulle gunsteling-boeke genomineer en daarvoor gestem het. Die Leeslys is wyd ondersteun, en verskeie boekwinkels en biblioteke het dit gebruik.

Vir baie boekwurms is dit moeilik om te glo dat daar mense is wat raad nodig het oor boeke om te lees, maar dit is juis na die soveelste persoon wat raad gesoek het oor skrywers en boeke, wat die idee gebore is.

Die terugvoer na die eerste lys was oorweldigend, en die tyd het aangebreek vir Boekemakranka se Top 100 Afrikaanse Leeslys vir 2009. Die doel van die Leeslys is nie om die oppergesag oor die beste boeke in Afrikaans te wees nie, maar om lesers se subjektiewe voorkeure op informele wyse weer te gee.

Nominasies word ingewag vir jou gunsteling-boeke, tot 31 Oktober. Daarna kan gestem word, en die 100 boeke met die meeste stemme sal dan Boekemakranka se Top 100 Afrikaanse Leeslys vir 2009 vorm.

· Die boeke moet geredelik beskikbaar wees in winkels en biblioteke.

· Dit moet jóú gunsteling-boeke wees, nie dié wat jy dink gaan goed lyk op ʼn lys, of waarvan jy net gelees het nie.

· Boeke oor stokperdjies en selfhelp-boeke sal nie oorweeg word nie.

· Groot sorg moet asseblief gedra word dat skrywers se name en titels van boeke korrek gespel is.

Slegs nominasies wat in die volgende formaat ontvang word, sal oorweeg word: Van Voorletters,Titel

· Geen spasies voor of na komma nie, ook geen spasies of punte tussen voorletters nie. Doen dit so:

Preller Martie,Vandag is nie gister nie

Van Heerden Etienne,Asbesmiddag

Brink André P,Ander lewens

Scholtz AHM,Vatmaar

Nominasies kan gestuur word aan leeslys@icon.co.za of op die Boekemakranka forum geplaas word. Of sommer hier as kommentaar!

Advertisements