Sleutelwoorde

, ,

Ou woorde wat in onbruik verval het, fassineer my vreeslik. ‘n Paar wat ek die afgelope tyd raakgelees het waarvan sommige ook ander betekenis het, was:

Publiek: Dit voel vir my publiek of hier weer dieselfde ongure karakters rondsluip. (Dankie Marié Heesse, ek het die woord weer in ‘n boek van jou raakgelees)

Musiek: “‘n Fyn vrou moet op die musiek kan speel.” My oumas het ook van ‘n musiek vir ‘n klavier gepraat, hoewel sy verskillende musiekinstrumente in haar huis gehad het, en ook bespeel het. Oa ‘n musiek.

Kapittels: “… wat sukkel om die kapittels in haar kop te kry.” Ek onthou ook dat my ouma van kapittels uit die Bybel gepraat het Bygelê: “Ou twiste word bygelê en nuwes ontstaan.”

Almelee: “… omdat hulle almelee moes worstel met armoede.”

Aangestel: “Helena Dreyer het haar aangestel en met ‘n aanstellerige mens wou die gewone jongmens liewer nie veel te doene hê nie.”

Al die aanhalings kom uit Margaret Bakkes se Elegie vir ‘n Onbekende. Een van die mooiste boeke wat ek ooit gelees het, en lank na gesoek het na ‘n ou kopie. En daar loop ek hierdie week een raak in die boekwinkel in Gordonsbaai.

Advertisements